Ишимбай Абдраимов атындағы Қырғыз авиациялық институтынан келген делегацияның сапары аясында Авиациялық колледжде экологиялық акция ұйымдастырылды.

Ишимбай Абдраимов атындағы Қырғыз авиациялық институтынан келген делегацияның сапары аясында Авиациялық колледжде экологиялық акция ұйымдастырылды. Іс-шара колледж әкімшілігінің қатысуымен өтіп, екі білім беру ұйымы арасындағы достық пен ынтымақтастықты нығайтуға бағытталды. Акция барысында делегация өкілдері мен колледж әкімшілігі бірлесіп колледж аумағына ағаш отырғызды. Бұл бастама өзара құрметтің, серіктестіктің және ортақ болашаққа деген сенімнің символына айналды. Ағаш отырғызу рәсімі халықаралық ынтымақтастықты дамытуға, академиялық ұтқырлықты қолдауға және авиациялық білім беру саласындағы тәжірибе алмасуды нығайтуға бағытталған маңызды қадам болды. Сонымен қатар, «Достық алаңы» аясында жүзеге асқан бұл игі іс экологиялық мәдениетті қалыптастыруға және жас ұрпаққа табиғатты аялау құндылықтарын дәріптеуге ықпал етеді. Мұндай кездесулер екі оқу орны арасындағы серіктестікті жаңа деңгейге көтеріп, білім мен мәдени байланыстарды одан әрі дамытуға жол ашады.
https://www.instagram.com/p/DYgxGBZuDXE/